قال الفنان أحمد الفيشاوي في أول تعليق على حكم براءته الذي صدر اليوم من محكمة جنح مستأنف الدقي :"النهارده هند الحناوي فشلت أنها تحبسني سنه بمعرفة بنتي لينا".
وأوضح الفيشاوي في منشور له عبر حسابه بموقع "إنستجرام": "ده الوقت أني أقولكوا اللي حصل باختصار.. أنا بشوف لينا من وهي عندها ٣ سنين بعد ما المشاكل خلصت بيني وبين مامتها وبالتالي كنت بصرف على أكلها وشربها وهدومها و مدرستها الكنديه في مصر، هند (طليقته) فهمتها عكس كده بس انا عندي ما يثبت ذلك.. لما لينا تمت ١١ سنة هند اقترحت أننا نوديها مدرسة خاصة في لندن لتدريس الفنون من غناء ، تمثيل ، أخراج .. ألخ".
واستكمل: "تحمست جدآ عشان كنت شايف فيها موهبة كبيرة.. قدمت في المدرسة ووافقت على السفر.. وأول ما هند وصلت بلينا أنجلترا نقلتها من المدرسة ومن لندن إلى كِنت (Kent) لمدرسة مش تخصصها الفنون بمصاريف أقل بكتير وحطت فلوس مدرسة بنتي في جيبها وأيضا عندي ما يثبت ذلك في الوقت المناسب".
ولفت: "أنا مش بلوم على لينا علشان هي كذبوا عليها كتير وغالبآ هي هتشوف الصور دي ويمكن تفتكر أني كنت موجود عشانها وبحبها ومازلت".
واختتم: "قضت محكمة جنح مستئانف الدقي بجلسة اليوم بالغاء حكم حبس الفنان أحمد الفيشاوي لمدة سنة والقضاء مجددا ببرائته في قضية امتناعه عن تنفيذ حكم النفقة".