علق الإعلامي تامر أمين على الاحتفال بعيد العمال، قائلًا: «دول جزمتهم فوق راسي، لأن العمال هما بناة مصر، والطاقة والأيدي العاملة والقاطرة اللي بتجر القطر كله، ولولاهم لخربت البلاد».
وأبدى خلال تقديمه برنامج «آخر النهار»، المذاع عبر فضائية «النهار»، مساء اليوم الثلاثاء، اندهاشه من إقرار يوم عيد العمال كإجازة رسمية، معقبًا: «عيد العمال يعني عيد العمل، وعيد الإيد الشقيانة ولقمة العيش اللي بتيجي بعرق الجبين، عيد العمل يبقى إجازة؟».
وأكد أن هذا العيد في الأساس يعتبر تقديرًا وتكريسًا لثقافة العمل، متابعًا: «بصراحة من وأنا صغير مش شايف اللقطة دي تمشي، مينفعش في اليوم اللي بنؤكد فيه على قيمة العمل نأجز».
وأوضح أن الاحتفال بعيد العمال يمكن أن يتم بأكثر من طريقة، دون اللجوء إلى الإجازة، منها تكريم الرئيس لهم أو تقديرهم ماديًا عبر المكافآت والحوافز، معقبًا: «إحنا أسهل حاجة بنعملها إدي إجازة وخلي الناس تريح كأن عندنا فائض في الإنتاج».
وناشد المسؤولين بإلغاء إجازة عيد العمال، مردفًا: «يا صانع القرار يا حكومة ياللي بتدوا الإجازة، الناس مريحة والله، محدش عايز إجازات زيادة، أنا بقترح إلغاء إجازة عيد العمال، إذا كنت عايز تبعث برسالة صح إن العمل حياة، وعارف إني هتشتم وهتلعن لكن بقول اللي مقتنع إنه صح».