وجه البلجيكي ميشيل يانكون، مدرب حراس مرمى الأهلي السابق، رسالة لجماهير الفريق، بعد رحيله عن النادي بعد 6 سنوات قضاها بين جدران النادي.
الأهلي أعلن أمس، الخميس، تعاقده مع المدرب الإسباني خوسيه ريبيرو، والذي جاء بطاقم مساعد بالكامل، ليتأكد نهاية مشوار ميشيل يانكون مع الفريق الأول بالنادي.
وكتب ميشيل يانكون عبر حسابه الشخصي على موقع التواصل الاجتماعي «فيسبوك»: «6 سنين كانوا أكُر من مجرد شغل… كانت رحلة حب وإنتماء ونجاحات مع نادي عمري ما هنساه».
وأضاف: «كل لحظة قضيتها في التتش، وكل مباراة، وكل دمعة فرح بعد بطولة هتفضل محفورة في قلبي.. فخور إني كنت جزء من الفريق اللي قدر يحقق 19 بطولة مع الأهلي».
وأوضح: «اشتغلت مع حراس عظام، أخواتي قبل ما يكونوا لعيبة.. فخور بكل لحظة قضيناها سوا، لكن أكتر حاجة عمري ما هنسى حبها جمهور الأهلي، أنتم القلب الحقيقي للنادي، أنتم الروح، أنتم اللي بتدوا المعنى لكل لحظة عشتها هنا».
وتابع: «وقعت في حب مصر والمصريين من أول لحظة، وهفضل شايل الحب ده في قلبي دايمًا.. مصر أم الدنيا».
وأتم: «شكراً من قلبي لكل شخص دعمني وحبني، أنا واحد منكم وهفضل دايماً واحد منكم».