النفسية مع د. محمد طه: ذكر متغذى متشبع - محمد طه - بوابة الشروق
الأربعاء 19 مايو 2021 1:16 ص القاهرة القاهرة 24°

احدث مقالات الكاتب

شارك برأيك

ما رأيك بمستوى الدراما الرمضانية حتى الآن؟


النفسية مع د. محمد طه: ذكر متغذى متشبع

نشر فى : السبت 10 أبريل 2021 - 6:55 م | آخر تحديث : السبت 10 أبريل 2021 - 6:55 م

فى هذا الباب الأسبوعى الذى يظهر كل يوم احد، يتواصل د. محمد طه أستاذ م. الطب النفسى، معكم، للإجابة على أسئلتكم واستفساراتكم فى كل ما يخص أحوال النفس، والطب النفسى، والعلاقات الإنسانية.

راسلونا على: http://m.me/mohamedtaha.net

●● كل الرسائل تخضع للسرية والخصوصية التامة، والإجابات عليها تكون بطلب المُرسل وبدون ذكر أية معلومات شخصية.

السلام عليكم ورحمة الله وبركاته
دكتور.. ألف شكر على كتاب «ذكر شرقى منقرض».. صراحة عظمة.. حاجة تعتبر تحفة فنية فى الطب النفسى، من حيث التشخيص ودقة الوصف والحلول الممكنة.
بس هل يا ترى ذكر عنده ٤٢ سنة متغذى ومتشبع ومليان كلاكيع وعقد نفسية من أنا متضخمة ونرجسية وأنانية وتسلط وتجبر فيه علاج؟؟؟
شكرا يا دكتور لقلمك وعلمك الوفير.. دمت متألقا فى مجالك.


عزيزتى..
سؤالك مهم جدا..
علشان حد بالمواصفات اللى انتى كاتباها دى يتغير، مهم يتوافر ويحصل الآتى:
أولا.. تتأكدى من صحة ودقة رؤيتك، من خلال عيون حد تانى غيرك، ويفضل إنه يكون حد متخصص يقعد معاه ويسمعه ويشوف الجانب الآخر من الصورة علشان تبقى كاملة ومعبرة وعادلة للطرفين.
ثانيا.. يكون الطرف التانى شايف ومصدق إن فيه عنده مشكلة (أو مشاكل) وإنها فعلا بتؤذى شريكه فى العلاقة.
ثالثا.. يكون مستعد إنه يتحرك فى اتجاه الحل والعلاج، مش يكتفى بإسقاط المشكلة والحل والسبب والمسئولية كلها على الطرف الآخر.
رابعا.. يتوجه بنفسه (مش بالضغط ولا التهديد) لطبيب أو معالج نفسى طالبا منه المساعدة فى التغير.
خامسا.. يمكن جدا ــ بل ويستحسن ــ أن يتوجه الطرفان معا ــ إلى جانب ذلك ــ إلى معالج زواجى متخصص.
سادسا.. ينتظم ويلتزم بالجلسات والتعليمات والإرشادات العلاجية بشكل ثابت وغير متقطع وغير مؤقت.
سابعا.. بعد انتهاء فترة العلاج اللى يحددها المعالج.. تطمنى منه بوضوح شديد إن العلاج نجح والصفات دى اتغيرت فى رأيه إلى جانب رؤيتك طبعا.
لو كل ده توافر وحصل يا صديقتى، وقتها ممكن يكون فيه أمل ورجاء إن هذا الشخص يتغير.. وفيما عدا ذلك.. فالأمر يحتاج لمعجزة.. قد تأتى.. وقد لا تأتى أبدا..
دعواتى معك

محمد طه أستاذ مساعد الطب النفسي بكلية طب المنيا
التعليقات