قالت الفنانة دينا الشربيني، إن كل ما كان يشغلها في الأزمات التي تعرضت لها هي أسرتها.
وأضافت خلال مقابلة مع برنامج «أدينا بندردش» مع شيرين عرفة، وبثّتها عبر حسابها على موقع إنستجرام: «مكنش ينفع أهلي يشوفوني ضعيفة أو تعبانة .. لو شفوني كده مش هيعرفوا يكملوا».
وتابعت: «أنا بدي الحزن والوجع وقته لكن مش بخليه يطول وبشوف الحاجات الحلوة اللي ربنا إدهالي.. إحنا عندنا نعم كتير زي السمع والنظر والتذوق وإني واقفة على رجلي والنفس اللي بيدخل ويخرج.. كل الحاجات دي نعم .. ربنا اختارني أبقى كده وابتلاني علشان أبقى أقوى».
وأكملت: «لما تحصلي مشكلة كبيرة في حياتي بلاقي نفسي صاحية من النوم أقول الحمد لله.. مش بيكون قصدي أقولها لكنها بتطلع مش عارفة إزاي.. أنا مقتنعة إن ربنا بيحبني».