قالت الفنانة إنجي المقدم، في رأيها حول الانتقادات الموجهة للفنان محمد ممدوح عن مخارج ألفاظه، إن ذلك يعد تنمرًا غير مبرر، متابعة: «اكتشفت كمان إن الناس بتسخن بعض، ده يقول كلمة ده وراه يقولها وده وراه يقولها».
وأضافت خلال لقائها ببرنامج «حروف الجر»، المذاع عبر محطة «نجوم إف إم»، أمس الثلاثاء، أن الناس تنسى أنه موهبة استثنائية ومجتهد ويقدم مجهودًا كبيرًا.
وأردفت عن رأيها في قضية التنمر: «الأول كنا فاكرين يا حرام العيال صغيرين بيتنمروا في المدارس، طلع الكبار ، والمفروض الكبير ده أوعى ميعملش كده».
وواصلت: «ممكن جدًا أطفال تتنمر وأهلها مش كده، عشان هم عيال، لكن حد كبير وعاقل ليه بيدخل يشتم، الكلمة إللي بتخرج دي مهمة جدًا، وبتبعث طاقة سلبية رهيبة، ودول بني آدمين، والكلمة الطيبة صدقة».