طالب الرئيس عبدالفتاح السيسي، بتحقيق الإنجازات وإتمام المشروعات بمعدلات أسرع، مقارنة بالمعدلات الحالية.
جاء ذلك خلال كلمته ضمن فعاليات افتتاح عدد من المحطات البحرية بالمنطقة الاقتصادية لقناة السويس بميناء شرق بورسعيد، اليوم الأحد.
وقال السيسي: «أقول للمصريين اوعوا تفتكروا إن في عمر الدول المدد اللي بنقول عليها كبيرة، كل الكلام اللي اتقال مجرد مضاعفة الأرقام خلال الـ10 سنوات الأخيرة، لكن المعدلات دي هتزيد السنوات المقبلة بنسب أكبر».
وأضاف: «كنا بنحاول ننجز، إحنا دلوقتي في نهاية الإنجاز، الموانئ موجودة والسكك الحديد والطرق والمحاور والطاقة، إحنا ماشيين بشكل جيد وعاوزين معدلاتنا ونمونا يزيد أكثر من كده».
وأكد أن «التحدي الذي واجهته ولا تزال تواجهه الدولة المصرية، لم تنجح الدولة فيه إلا بالله ودعم المصريين وتحملهم وصبرهم».
وأكمل: «التحدي الذي كنا نواجهه ومازلنا موجودين فيه لم ننجح فيه إلا بالله ودعم المصريين وتحملهم وصبرهم، هي بلادنا محتاجة مننا كده، إننا نبقى مستعدين للبذل والتضحية عشان نحقق إنجازات تعود بالنفع علينا وعلى الأجيال المقبلة».
وشهد الرئيس عبد الفتاح السيسي، اليوم، افتتاح عدد من المحطات البحرية بالمنطقة الاقتصادية لقناة السويس بميناء شرق بورسعيد.