علق الإعلامي شريف مدكور، على الجدل الدائر في مواقع التواصل الاجتماعي، بشأن موقف المدوّن شادي سرور من الإسلام، قائلًا: «ده شاب صغير ولما يقع في مأزق زي دي المفروض الناس تقف معاه ومتهاجموش».
وأضاف خلال مداخلة هاتفية لبرنامج «رأي عام»، المذاع عبر فضائية «ten»، مساء اليوم الأحد، أنه وجد بعض رجال الدين أو الشيوخ قد علقوا على هذا المسألة بشكل صعب، معقبًا: «لقيتهم كاتبين له كلام صعب جدًا، يعني لو ألحد مش هيرجع عمره للإسلام بسبب الكلام، يعني ردود فعلهم كانت غير مقبولة تمامًا».
وأوضح أنه ينبغي أن تكون هناك كياسة وحوار في التعامل مع مثل هذه الأمور، مستطردًا: «لازم يكون فيه حوار مفيهوش زعيق أو شتيمة، ولا الكلام ده، وهو لسه شاب صغير اتعرض لضغوط».
وذكر: «أنا إديته مثال عليا، وقلت له أنا اتعرضت لتنمر وحاجات أقوى منك وشائعات كتير، لكن ده بيخليني أصمد، لأني عندي ثقة بنفسي، ومخلانيش أسيب ديني أو أنتحر».