قال الإعلامي أحمد موسى، إن الدولة تواجه حاليا تحديات أهم من الكهرباء.
وأضاف خلال برنامجه «على مسئوليتي» على قناة «صدى البلد»، مساء الأربعاء: «إحنا عندنا رجّالة قاعدين وسط الصحراء في درجة حرارة 45 و47 درجة علشان يحموا ويأمنوا حدودنا.. مش بيشتكوا وواقفين زي الأسود».
وشدد على دعم الدولة في هذه الآونة، وقال: «الدولة لو عندها لن تبخل أبدًا.. الظروف صعبة والتحديات شديدة».
ونوه بأن الشعب أدّى دورًا كبيرًا في دعم الوطن، وعليه الاستكمال في أداء هذا الدور لتجاوز التحديات، وتابع: «إن شاء الله تعدي المرحلة والظروف، وترجع الكهرباء أحسن من الأول وميبقاش فيه أي تخفيف أحمال».
واستكمل: «مفيش حد عاوز قطع كهرباء في الوقت اللي إحنا فيه والجو النار.. لكن لازم ناخد بالنا من التحديات اللي أمامنا».