نشرت وزارة الأوقاف منشورا جديدًا على صفحتها الرسمية بمواقع التواصل الاجتماعي، ضمن مبادرة "صحح مفاهيمك"، تناولت فيه قضية التعامل مع السائحين، بمناسبة اليوم العالمي للسياحة.
وأكدت الوزارة أن السائح الذي يزور مصر يعد ضيفًا عزيزًا يجب أن يحظى بمكانة واحترام، وأن يقابل بكرم الضيافة وحسن المعاملة، مشددة على أن انطباع الزائر يظل شاهدًا على عظمة هذا الوطن.
وجاء في نص المنشور على النحو التالي: "لما حد ييجي بلدك… بيكون ضيف والضيف له مكانة… له احترام… وله واجب الكرم والسائح اللي بيزور مصر مش جاي علشان نعامله بجفاء… أو نستغله ده جاي علشان يشوف بلد عظيمة بلد حضارة، وتاريخ، وأخلاق".
وأكملت الوزارة منشورها: "تخيل لو كل سائح رجع بلده وهو شايل في قلبه صورة جميلة عن مصر؟ هيحكي عنها بحب، وهيرجع تاني، وهيجيب معاه ناس كمان وساعتها… مصر تكبر أكتر في عيون العالم واحترامك للسائح مش مجرد تصرف راقي
ده في الحقيقة دعاية حقيقية لبلدك وبابتسامة… بكلمة طيبة… بمساعدة بسيطة".
واختتمت الوزارة قائلة: "افتكر دايمًا… تصرفك مع السائح مش بيعبر عنك لوحدك ده بيعبر عننا كلنا عن بلد اسمها: مصر ".