قال خالد الجندى عضو المجلس الأعلى للشؤون الإسلامية، إنه لا يجوز القول إن النبي صلى الله عليه وسلم مات، معقبا: «أهل النبي بالنسبة لهم النبي عايش، إحنا لا نقول مات نقول انتقل».
وأضاف خلال برنامج «لعلهم يفقهون» على فضائية «dmc»، اليوم الاثنين: «الصحابة قالوا النبي مات، لغة الصحابة غير لغتنا إحنا، هم أكثر أدبا، سياق اللغة عندهم غير عندنا، هيجي حد يقولك هو أنت هتتعلم الأدب أكثر من الصحابة، هقول له السياق اختلف فى كلام متقدرش تقوله الآن لكن العرب كانوا بيقوله عادى فى زمن الصحابة».
وتابع: «لازم تراعى السياق فى دول فيها كلام لو قولته كأنك عملت مصيبة، لازم نحترم عرف البلد اللى إحنا فيه، ونحتفظ بسياق الكلام الموجود فى الزمن والمكان».