قالت الإعلامية سهير جودة، إن هناك جمل كلاسيكية للرجال، يستخدمونها بهدف الهروب من الارتباط، مثل جملة «أنتي تستاهلي حد أحسن مني»، مشيرة إلى أن البنات بدأوا في استخدام تلك الجملة مع الرجال ولكن بطرق مختلفة.
وأضافت سهير، في برنامج «الستات» التي تقدمه عبر فضائية النهار: «البنت لما بتقول للراجل انت زي أخويا أو أنت صاحبي بيبقى الكلام من قلبها، لأنها بتكون صادقة في مشاعرها، واللي بترتبط بأكتر من شخص في وقت واحد دي عايزة طبيب نفسي».
وتابعت أن هناك بنات تستغل حب الولد لها ويحدث العكس أيضا، مضيفة: «لازم البنت يبقى عندها من الرحمة والإنسانية تجاه الولد، وكمان لازم نربي الولد أنه لا يستبيح مشاعر البنات؛ لأننا بنعاني من ازدواجية الرجل دي أحبها ودي أتجوزها».
وأردفت: «البنت اللي تحب راجل وتثق فيه وبعدين يدوس على مشاعرها فهي تستاهل، لأنها أحبت واحد بالشخصية دي، والراجل الطيب عملة نادرة دلوقتي بس مبيبقاش جذاب للبنت».