بعد فترة غياب طويلة نظرًا لإجراءها عدة عمليات جراحية، طمأنت الإعلامية إيمان الحصري جمهورها على موقع التواصل الاجتماعي فيسبوك.
وقالت إيمان، في منشور لها، "أول مرة أكون قادرة أني أكتب على فيس بوك من شهور والله مش عارفة أقولكم إيه على كم الاهتمام والدعم والحب اللي شوفته وسمعته وقريته في كل كلمة وكل دعوة من القلب، الدعاء الصادق اللي لولاه مكنتش هبقى موجودة دلوقتي.
وأضافت "ناس كتير أوي نفسي أكلمها وأقولها شكرًا حبكم ومساعدتكم ودعاءكم ومشاعركم الطيبة وصلت ودائما كانت وما زالت بتهون عليا.. إن شاء الله عندي ثقة كبيرة إني هعدي التجربة الصعبة دي على خير لأن الحقيقة ما زلت فيها لسة مخرجتش.. ولسه محتاجة دعواتكم".
يذكر أن إيمان الحصري تعرضت لوعكة صحية صعبة منذ عدة أشهر، دفعتها للابتعاد عن برنامجها "مساء dmc".