ريهام سعيد تعتزل الإعلام وتتفرغ للتمثيل: حصل لي مشاكل كتير من المهنة دي - بوابة الشروق
الخميس 29 يوليه 2021 11:14 م القاهرة القاهرة 24°

الأكثر قراءة

قد يعجبك أيضا

شارك برأيك

هل تتوقع أن تكسر مصر رقمها التاريخي بتحقيق أكثر من 5 ميداليات أوليمبية في أولمبياد طوكيو؟

ريهام سعيد تعتزل الإعلام وتتفرغ للتمثيل: حصل لي مشاكل كتير من المهنة دي


نشر في: الأربعاء 21 يوليه 2021 - 2:51 م | آخر تحديث: الأربعاء 21 يوليه 2021 - 2:51 م
أعلنت المذيعة والممثلة ريهام سعيد، اعتزالها العمل الإعلامي، وتفرغها للتمثيل.

وكتبت ريهام، عبر حسابها الرسمي علي موقع تبادل الصور والفيديوهات "انستجرام": "فكرت كتير قبل ما أكتب البوست ده، أنا اعتزلت التمثيل سنة 2015، لأني حسيت إن صاحب بالين كداب وإن التمثيل مأثر على مسيرة الخير اللي ابتديتها من سنين طويلة عشان الوقت، والمجهود اللي بعمله، لكن عشقي للتمثيل اللي هو دراستي ومهنتي الأولى، قبل الإعلام رجعت أمثل تاني، وأنا لسه في نظر المخرجين والمنتجين مذيعة عايزة تمثل، كنت عارفة أن عشان أخد مكان كممثلة، لازم أسيب الإعلام، زي -مع حفظ الألقاب- داليا البحيري وبسمة ودينا فؤاد ودينا الشربيني وغيرهم، بس مكنتش قادرة أسيب رسالتي اللي كانت مهمة أوي وقتها".

وتابعت: "أنا حصل لي مشاكل كتير من المهنة دي، بتأثير باطل من السوشال ميديا، من منافسين وأعداء النجاح، بسبب المشاهدة العالية جدا والنجاح، أنا تعبت وحاسة أني قدمت كل اللي ممكن يتقدم والدولة عاملة اللي عليها، ومش محتاجين دور المجتمع المدني في مساعدة الناس ولكن أنا ليا الشرف أني اشتغلت في المهنة العظيمة دي اللي ليها رسالة سامية وعظيمة وليا الشرف أني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح وماتغيرش ولا دقيقة".

وأكملت: "أنا الحمد لله حققت في التمثيل وكل اللي اشتغلته علم مع الناس واشتغلت أعمال كلها قيمة، بس بعد ما جالي السكر وشوية مشاكل تانية قررت أعمل اللي بحبه، أنا بكل أسف بعلن اعتزالي الإعلام تماما وهركز كممثلة وهطلب من الدكتور أشرف زكي أنه يساعدني أني أغير الفكرة الموجودة في أذهان المخرجين والمنتجين أني مذيعة".

ووجهت رسالة للمخرجة كاملة أبو ذكري، قائلة: "مش مكسوفة، نفسي أوي أمثل معاكي حتى لو مشهد، ده من أحلامي، خطوة صعبة وفيها ريسك كبير بس على الأقل أجري ورا حلمي حتى وأنا في السن ده، جه الوقت إني استمتع باللي بعمله وبحبه خصوصا لما يكون في عصر ولا في واسطة ولا محسوبية اللي هيجتهد هيوصل".

وخاطبت الجمهور قائلة: "ماتسيبوش حلمكم مهما فات الوقت، بشكر جمهوري من الأمهات والشباب والأطفال اللي دائما بيدعموني، وحبوا برامجي واتعلموا منها وبشكر ربنا على 20 سنة إداني الفرصة فيهم أني أقضي حوائج الناس وأقدم كل ما هو مفيد، فخورة بكل حلقة وبكل حرف قدمته، 20 سنة تعب وسهر وتصميم على تقديم الحقيقة، أنا آسفه ليكوا بس التمثيل رسالة برضوا وهو حلمي الأساسي اللي أتأخرت أوي عشان أحققه يا رب وفقني وساعدني".

https://www.instagram.com/p/CRklE-yhlk4/?utm_source=ig_web_copy_link


قد يعجبك أيضا

شارك بتعليقك