قال دياب محفوظ، والد الطفل محفوظ دياب، المتهم بالتهريب في بورسعيد، إن ابنه أبلغه أنه ذاهب للإسكندرية للفسحة، متابعًا: «ومن الإسكندرية راح بورسعيد عشان يجرب ويشق طريقه، لأن أهلنا كتير شغالين في بورسعيد».
وأضاف «دياب»، خلال مداخلة هاتفية لبرنامج «بالورقة والقلم»، المذاع عبر فضائية «ten»، مساء السبت: «حالتنا المادية مرتاحة الحمد لله مش فوق ولا تحت»، موضحًا أنه يمتلك أراضي ومخبزًا بلديًا وبقالة تموينية.
ولفت إلى رفض ابنه للعمل معه، ورغبته في الاستقلال ماديًا عنه، متابعًا: «هو عنده طموح ومش عاوز يبقى تبع حد، لكن العيب مش فيه، العيب في المذيعة اللي شهرت بيه».
وأكد أنه لم يكن يعلم أن ابنه يعمل في مجال التهريب، معقبًا: «الموضوع ما يستاهلش الهيصة دي كلها، والمحضر خلصان من يوم الخميس، ولولا تشهير المذيعة مكانش حد عرف حاجة».