أكد خالد الدرندلي، نائب رئيس اتحاد الكرة، أن مجموعة منتخب مصر في مونديال 2026 جيدة للغاية، لكنه يرفض تمامًا فكرة الذهاب من أجل التمثيل المشرف، معربًا عن تمنيه عبور الفراعنة للأدوار التالية في البطولة.
قال الدرندلي في مداخلة هاتفية لبرنامج «ملعب أون» على قناة «أون سبورت»:" مجموعتنا أحسن من مجموعات كثيرة، لكن مش عاوزين نعتمد على ده أو نتفائل وناخد الأمور بسهولة، ده كأس عالم يا جماعة، كل الفرق المتأهلة تمثل أفضل المنتخبات في العالم، وكأس العالم طول عمره مليان مفاجآت، ومش عاوزين نقلل من أي فريق هنواجهه."
وأضاف:" مش عاوزين نبسط الأمور، بالنسبة لبلجيكا، هنلاعبهم في المباراة الافتتاحية، واجهناهم من 3 سنين في مباراة ودية بالكويت وفزنا عليهم 2-1، نقدر نعمل، لكن مش عاوزين نعتمد على ده، منتخب مصر مش قليل."
وتابع:" أمم إفريقيا مهمة جدًا وهتغير حسابات كثيرة في تشكيل الفريق، لازم نركز دلوقتي على أمم إفريقيا وتحضير كأس العالم، مش عاوزين نقول تمثيل مشرف، عاوزين نشارك ونمثل مصر صح، نصعد للأدوار التالية، مش هنقول ناخد كأس العالم، لازم نكون واقعيين ونتعلم من التجارب السابقة."
وحول شعور حسام حسن بعد القرعة، قال الدرندلي:" كان سعيد بالمجموعة لأنها أفضل من غيرها، ونفكر في كيفية التحضير لكأس العالم، وقال لي إن المجموعة كويسة وعاوزين نجهز للإعداد".