•أغنية «اللي مني» سمعت مع الجمهور.. وحميد الشاعري قالي أنت نجم النجوم
قال المطرب الشعبي أحمد شيبة، إن بدايته الفنية كانت في الإسكندرية التي عاش فيها وتزوج وظل يعمل هناك لمدة 13 عامًا، معقبًا: «كنت باخد 10 و20 جنيها في الأفراح، وقمت بإنتاج ألبوم وكنت بروح لبائعين الشرائط لبيع الألبوم، وكنت بوزعه في الأفراح».
وأضاف في لقائه ببرنامج «صاحبة السعادة»، المذاع عبر فضائية «دي إم سي»، أمس الاثنين، أنه كان يطلب من بائعي الشرائط تشغيل الألبوم لكي يسمعه الجمهور، متابعًا: «اللي كنت بشتغل بيه، كنت أجيب بيه شرايط عشان الناس تسمعني، وكنت بقول لبتاع الشرائط في المنشية شغلني، كنت بلاقيه مشغل مطربين تانيه، وفي مرة عديت لقيته مشغلني قولتله مش عايز باقى الفلوس اللي ليا عندك بس شغلني عشان الناس تعرفني».
وأوضح أن شهرته بدأت مع أغنية «هذا جناة أبي عليا»، ليغنيها كبار المطربين، وقال له الجمهور حينها «قالولي مدغدغ مصر»، مضيفًا: «إسكندرية حبايبي وأخواتي ووقفوا جنبي جامد، وبعد كده عملت أغنية اللي مني وانتشرت جدا وكانت حالة مع كل الناس، وأنا بصور الكليب كنت بعيط لأني حسيت الأغنية بعد كده سمعت مع الناس وشكلى اتعرف».
وتابع: «كنت بغني حجات لناس تانية زي عبده الإسكندراني، وطلعت في وقت الأغاني كانت في منحى تاني، ولما قابلت أستاذ حميد الشاعري مقابلته كانت جميلة وقالي ده أنت نجم النجوم»، مشيرًا إلى غنائه أكثر من تتر بداية ونهاية لمسلسلات رمضان الأعوام الماضية، ومنها مسلسل «نسر الصعيد».