قلت يا لهوي.. منة عدلي القيعي تروي تفاصيل مكالمة عادل إمام بعد أغنية دنيا 6 وشوش - بوابة الشروق
الخميس 12 يونيو 2025 5:55 ص القاهرة

الأكثر قراءة

قد يعجبك أيضا

شارك برأيك

هل تتوقع نجاح اتفاق الهدنة في غزة؟

قلت يا لهوي.. منة عدلي القيعي تروي تفاصيل مكالمة عادل إمام بعد أغنية دنيا 6 وشوش

أحمد علاء
نشر في: الخميس 21 يوليه 2022 - 2:40 ص | آخر تحديث: الخميس 21 يوليه 2022 - 2:40 ص

روت الشاعرة منة عدلي القيعي، تفاصيل تلقيها مكالمة من الفنان عادل إمام بعد الأغنية التي كتبتها "دنيا 6 وشوش".

وقالت خلال لقائها ببرنامج "معكم منى الشاذلي" عبر شاشة "cbc"، مساء الأربعاء: "كنت فرحانة بالحالة وكانت أسعد لحظة إن الأغنية تشتغل في فرح.. في يوم كنت في المكتب وعمي كان بيكلمني وقالي فيه حد من مكتب الزعيم بيحاول يوصلك.. قلتله زعيم مين، قالي الزعيم عادل إمام عاوز يكلمك".

وأضافت: "توقعت حد عاوز حاجة من شركة الدعاية والإعلان اللي كنت شغالة فيها .. تاني يوم لقيت التليفون بيرن من رقم خاص.. وسمعت أيوه يا منة أنا عادل إمام.. قلت يا لهوي.. فهو ضحك وهنا أتأكدت فعلا إنه الزعيم".

وتابعت: "قالي إنه بيسمع الأغنية كل يوم وفضل يدور عن اللي كاتب الكلام ويشجعه إنه بيحب الأغنية وإنه لما عرف إن كتبت الأغنية بنت صغيرة استغرب وقال دي شافت إيه في حياتها علشان تكتب الكلام ده.. شجعني وقالي أكتر من نصيحة وقالي ركزي في اللون ده وبلاش تشتتي نفسك".

وأكملت: "آخر حاجة في المكالمة قالي إنتي بقى بنت عدلي القيعي فعلا .. قالي مش معقولة ده صحبي.. وطلب يكلمه".



قد يعجبك أيضا

شارك بتعليقك