تغزل الإعلامي عمرو أديب، في لاعبي الزمالك بعد الفوز على الأهلي في نهائي كأس مصر.
وقال خلال برنامجه "الحكاية" عبر شاشة "mbc مصر"، مساء الجمعة: "عاوز تغيظه هاتله زيزو.. لاعيبة الزمالك مزاجها كان عالي.. علشان كده الأداء كان ثابت وواثق ومش واقع".
وأضاف: "أنا لو معايا فلوس أشرف بن شرقي هدفعهاله.. لاعيبة الأهلي عرفت إنه لم ولن يتم إيقافه .. لاعيب مبهر لازم يقعد في الزمالك.. صحيح الزمالك ولاد بس ده لاعيب برلانت".
وتابع: "سيف الحزيري لاعيب برازيلي .. عنده قدرة يجري وياخد الدفاع كله وراه .. محدش إدى الزمالك حقه .. النهاردة هناخد حقنا.. البرنامج بتاعي وأنا حر.. إن شاء الله أخلص بكرة".
وأكمل: "لما الحكم حسب 7 دقايق قلت أيوه هو ده.. يا حنان يا منان ودعيت كل الأدعية لغاية ما الحكم صفر .. الدعامة اتحركت من مكانها .. الدعامة كانت بتلعب".
وتُوج الزمالك ببطولة كأس مصر بفوزه على النادي الأهلي بهدفين لهدف.