رد الفنان أحمد فهمي، على أحد المعلقين ويدعى «أحمد سمير»، على مشهد «الكابتن ماجد» من مسلسله «الواد سيد الشحات» ردًا صادمًا، بعد أن كان قد انتقد «أحمد» المؤثرات البصرية والحركية للمشهد.
وعلق الفنان أحمد فهمي عبر حسابه الرسمي على موقع التواصل الاجتماعي «تويتر»، قائلًا: «حضرتك الجرافيكس مقصود تبقى بالمستوى دا عشان الافية، والمشهد دا مكسر الدنيا.. فأنا أسف أسف جدًا واضح إن دمك تقيل جدًا ومش فاهم هزار خالص»، وتابع «فهمي»: «أرجوك متشوفليش حاجة خالص.. ربنا يكتبلنا الجمهور الذكي بس، وكل سنة وأنت طيب».
فأجابه أحمد سمير قائلًا: «أنا أسف أسف جدًا، ما جايز أنت اللي دمك تقيل في المشهد ده!، ومش فاهم هزار خالص!، وللأسف هو اللي وقع قدامي صدفة الڤيديو، وتابع: «ماتقلقش من بعد كلب بلدي ولقطات من ريّح المدام وأنا مابشوفلكش حاجة، وربنا يكتبلنا الممثلين الأذكياء بس، واللي بيتقبلوا كل الأراء، وكل سنة وأنت طيب».
وكان الشخص قد أنتقد المشهد معلقًا: «شوفت ڤيديو لمسلسل الواد سيد الشحات، مشهد كده كابتن ماجد وبسام، ومش عارف إزاي المسلسل متصنف كوميدي، وجرافيكس تعبانة جداً، طيب الكاتب والمخرج والمنتج وطاقم العمل كله، راضيين عن نفسهم وهما بيعملوا الهبل ده!، محسوبين علينا ممثلين كوميديين والله».
لا هو حضرتك الجرافيكس مقصود تبقى بالمستوى دا عشان الافية .. المشهد دا مكسر الدنيا .. فا انا اسف اسف جدا واضح ان دمك تقيل جدا و مش فاهم هزار خالص .. ارجوك متشوفليش حاجة خالص .. ربنا يكتبلنا الجمهور الذكى بس .. كل سنة و انت طيب 😍😍 https://t.co/ZoHuIsMWRH