قال الإعلامي أحمد موسى، إن بريطانيا تضغط على مصر من أجل جماعة الإخوان المسلمين، وتطالب بوقف الرحلات السياحية إلى مصر، بحسب قوله.
وأضاف «موسى» خلال برنامجه «على مسؤوليتي»، المذاع على فضائية «صدى البلد»، مساء الأربعاء: «بريطانيا بعد ما تعمل كده هتلاقي دول تانية وشركات تانية بتعمل نفس الكلام، مع إن كان في خبر من يومين عن دول بتراجع إمكانية عودة سائحيها وبتتعامل مع مصر وفق بعض الإجراءات الخاصة بالمطارات».
وأوضح أن موقف بريطانيا من مصر يتزامن مع مرورها بما وصفه بـ«الكارثة الكبرى»، وهي التصويت على خروجها من الاتحاد الأوروبي المقرر له يوم الخميس، لافتًا إلى أن هناك دولا كثيرة من مصلحتها خروج بريطانيا من الاتحاد الأوروبي، مثل فرنسا وألمانيا وأمريكا.
وأشار إلى مقتل نائبة معارضة بمجلس العموم البريطاني، بالرصاص والطعن بالسكين منذ يومين، وأن هناك كلام يتردد بأن المخابرات البريطانية حرضت على قتلها، قائلًا: «مين سأل في الحكاية دي، محدش عمل مشكلة بسببها في بريطانيا، لكنهم داخل بلدهم بيشتغلوا جامد جدًا، سابوا كل ده وقالوا منع الرحلات لمصر وشرم الشيخ، وزعلانين إن الإرهابيين في الشارع فلازم يحموهم، والإخوان كمان قالوا لهم هتسيبونا كده مع إن إحنا بنتجسس ليكوا، إزاي هتسيبونا كده».
وتابع: «محصلش جديد في شرم الشيخ، هل بريطانيا عندها مشكلة في شرم الشيخ، لكن هي بتعمل ضغوط عليك عشان ترضخ ليها وتعمل دمج تاني مع جماعة الإخوان».