شدد الرئيس عبد الفتاح السيسي، على ضرورة إعطاء الدولة حقها، من المشروعات التي تنفذها.
وقال «السيسي»، خلال افتتاح مشروع «بشاير الخير 2»، بمحافظة الإسكندرية، صباح الأربعاء: إنه «لابد من تحصيل فلوس هذه المشروع من الناس، ومينفعش ننسى نحصل الفلوس»، مضيفًا: «ده كلام غريب ومحدش واخد باله منه».
وأضاف: «المسؤولين مبياخدوش بالهم من حق الدولة، وإحنا مش هنسمح بده، كل مسؤول لازم ينتبه لكل قرش»، متابعًا: «زي ما بندي للناس حقها، لازم ناخد حقنا، من خلال عقود شديدة القسوة والحسم»، على حد وصفه.
وأوضح: «مش معقول ندي للناس حاجة بـ3 قروش وميدفعوش كمان»، متابعًا: «يا ناخد حقنا مظبوط يا الناس تمشي؛ لأن اللي بيحصل ميرضيش ربنا».
وتابع: «أنا مش زعلان من الناس أنا زعلان على حالنا، إننا بقينا نستبيح الفلوس وفاكرنها مش حرام»، مضيفًا: «لا ده مال حرام، وانت كدة بتاكل مال اليتيم بتاع الدولة»، على حد وصفه.
ويفتتح الرئيس عبد الفتاح السيسي، صباح الأربعاء، مشروع الإسكان «بشاير الخير 2»، بمنطقة غيط العنب، بمحافظة الإسكندرية، بحضور الدكتور مصطفى مدبولي، رئيس مجلس الوزراء ووزير الإسكان، وعدد من الوزراء والمسؤولين بالدولة.