أشاد مصطفى زيكو لاعب المنتخب، بحسام حسن المدير الفني للفراعنتة بعد المشاركة المتميزة في بطولة كأس العالم.
خلال مقابلة مع برنامج «الحكاية» الذي يُقدمه الإعلامي عمرو أديب، عبر شاشة «mbc مصر»، مساء السبت، عبر زيكو عن فخره وسعادته بأن العميد اختاره من بين الكثير من اللاعبين ومنحه ثقة كبيرة منذ اليوم الأول لانضمامه لمعسكر المنتخب.
وتابع: «كابتن حسام بيتكلم معايا بشكل إيجابي وكل ما يشوفني يفضل يتكلم معايا ويوصل لي ثقة وإحساس عمري ما حسيته في حياتي».
واستكمل: «كابتن حسام رمى كل حاجة في ملعبي أنا وهو داعم ليَّ طول ما أنا كويس.. أشكر كابتن حسام على ما فعله وأنا قدرت إن أنا أوفي له الوعد والثقة».
ومضى قائلًا: «طول المعسكر بقول ده أبويا.. مفيش حد بيعمل مع حد كده غير واحد وابنه.. هو نقل وغيّر حياتي 180 درجة».