تحدث الفنان بيومي فؤاد، عن أجره الذي يتقاضاه في أعماله الفنية، قائلًا: "ليس لي أجر ثابت، والأجر يختلف من عمل لأخر".
وأضاف خلال لقاء لبرنامج "أنا والقناع" عبر قناة "الحياة"، مساء الاتنين: "ممكن أخد أجر معين من شركة الإنتاج بحوالي 1000 جنيه في سنة معينة، والسنة اللي بعدها الأجر يكون في نفس شركة الإنتاج 800 جنيه.. والأجر بيتحدد حسب ظروف العمل الفني".
وتابع: "أنا ليا جمهور برا بلدي، كتير وفخور جدًا ؛ ولكن أنا باخد فلوس في مصر أكتر من اللي باخدها برا.. لأن مصر فيها 110 مليون نسمة ولكن لما بروح أعمل برا مصر فيلم باخد أجر أقل لأن بيقولوا لي أحنا عددنا مش قدكوا".
وأكد أن الفنان أحمد السقا هو المشهور بنجم "الأكشن"، ويتميز عن غيره من الفنانين في صناعة أفلام الحركة، معقبًا: "السقا هو نمبر وان الأكشن ".
وردًا على سؤاله عن تجسيد أحمد عز ومحمد رمضان أفلام أكشن، قائلًا "عز ومحمد رمضان عندهم أعمال فنية مهمة غير الأكشن وهما صحابي جدًا... ولكن الأكشن عرفناه من السقا.. وسيبقي نمبر وان الأكشن ".