رأى الإعلامي عمرو أديب، أن روح نصر أكتوبر لم تعد موجودة بين المصريين حاليا.
وقال خلال برنامجه "الحكاية" عبر شاشة "mbc مصر"، مساء الجمعة: "فيه جيل دخل الجيش في 1967 وخرج عام 1975.. كانوا قاعدين على الجبهة.. مكنش حد بيقول البيضة بكام النهاردا".
وأضاف: "الناس كانت عايشة علشان مصر بس.. روح أكتوبر غير موجودة بين المصريين.. الشعب دلوقتي مش نفس شعب أكتوبر لأسباب الشعب ده مسؤول عنها وأسباب تانية غير مسؤول عنها".
وتابع: "مرة كنت بعمل امتحان مذيعين سألت متقدمة حرب أكتوبر 73 كانت سنة قالت مش عارفة.. إحنا نقلنا الشك للشباب بدل ما ننقلهم الانتصار".
وأكمل: "إحنا كنا بنحارب طائرات غلبانة وكنا بنستخدم المدفع بتاع الحرب العالمية الثانية.. نتيجة الحرب الآن هي إن مصر حرة مستقلة في كل حاجة".