أكد مصطفى إبراهيم، مكتشف اللاعب زيكو، امتلاك مصطفى زيكو لاعب منتخب مصر الأول، لقدرات تهديفية عالية، مضيفًا: «راجل اشتغل على نفسه كتير».
ولفت خلال تصريحات عبر زوم، على برنامج «90 دقيقة»، المذاع بقناة «المحور»، إلى بداية اللاعب زيكو في نادي زد بموسم 2023-2024، بعد ضمه من الكابتن مجدي عبدالعاطي، قائلًا:«بدأنا من الصفر طبعًا».
واردف أن زيكو استمر مع النادي حتى موسم 2024-2025، ولافتًا إلى علاقته باللاعب واعتباره كأخيه الأصغر.
وعبّر عن سعادته للنجاحات العالمية والمحلية التي حققها زيكو، وارتباط اسمه بها، قائلًا: «أنا مبسوط جدًا وسعيد جدًا لنجاحه راجل أنا اسمي مرتبط باسمه دائمًا فدي حاجة تسعدني أنا مش قادر أوصف الصراحة مدى سعادتي إن الراجل دا كل ما بينجح عالميًا ودوليًا أنا ببقى اسمي مرتبط بيه».
وأوضح أن زيكو سجّل خلال موسم 2023-2024، نحو 15 هدفًا، مضيفًا: «ابتدينا نشوف مدى القوة بتاعته ومدى الضعف بتاعته في الحاجات الكور العرضية اللي هو تعرض ليها مع منتخب مصر».
وأضاف أنهم عملوا على تدريب اللاعب لتجاوز نقاط ضعفه، قائلًا: «ابتدينا اشتغلنا عليها من الصفر والحمد لله دلوقت لقينا مردودها واضح مع المنتخب المصري».
وذكر التواصل المستمر بينه وبين اللاعب مصطفى زيكو، مضيفًا: «اتصلت به بعد هدف نيوزيلاندا على طول في غرف الملابس وهو على اتصال دائمًا معايا حتى يعني شبه يومي من أمريكا».
وأكمل: «زيكو عنده جلد وإصرار كبير جدًا في الشغل دائمًا بيجي بعد كل تدريب يقول لي أنا عاوز اشتغل معاك وابتدينا نشتغل على الحاجات دي كلها».
وتطرق على الانتقادات التي وجّهت للكابتن حسام حسن، بعد ضمه لمصطفى زيكو كلاعب بمنتخب مصر الأول لكرة القدم، لافتًا إلى احصاءات اللاعب خلال موسميه مع فريق زد، بموقعه كجناح أيسر.
واردف أن اللاعب أحرز نحو 26 هدفًا خلال هذين الموسمين مع الفريق، مؤكدًا: «دا رقم مرعب في الدوري المصري الممتاز للاعيب ونجر مش لاعيب استريكر».
وأضاف: «لما نتكلم بالأرقام على مصطفى زيكو لا مصطفى زيكو يستحق التواجد في المنتخب المصري أثبت دا في أول 4 ماتشات دولية ليه».
ووجه رسالة للاعب مصطفى زيكو، قائلًا: «أنا بقول له يا زيكو أنا مبسوط بيك جدًا وسعيد بك جدًا إحنا تعبنا واشتغلنا لمدة سنتين وربنا كلل مجهودك وتعبك بالنجاح أي نعم هي تأخرت حوالي 3 4 سنين ولكن الحمد لله إن إحنا وصلنا لها»
واختتم قائلًا: «عاوزك تكمل على كدا أنت بطل أنت قدها أنت دلوقت بقيت أيقونة مش عاوز أقول مصرية أيقونة عالمية موجودة في كأس العالم أنت خلاص آه إحنا وصلنا للقمة بس الحفاظ على القمة أصعب».