دعا الفنان آسر ياسين، زملائه في الوسط الفني من مؤلفين ومخرجين وفنانين بالمشاركة في مواجهة ظاهرة التحرش الجنسي من خلال الأعمال الفنية، وذلك خلال فيديو نشره عبر حسابه الرسمي بموقع إنستجرام.
وقال آسر في الفيديو: "موضوع التحرش ده قديم مش جديد، مش هقعد أقول كلام له علاقة بأن الأهالي تاخد بالها من بناتها، وإن البنات تشتكي لو حد قالها حاجة لأن ده بديهي".
وتابع: فيه مسئولية فنية على أصدقائي الفنانين سواء مخرجين ومنتجين وممثلين، يعني من فترة مش كبيرة كانت فيه أعمال بتتعامل مع موضوع التحرش إنه عادي، وعادي إن البطل يلمس الست وإن الست الأجنبية مستباحة لأنها أجنبية، وفي الآخر البطل بيتحب وبيبقى القدوة بتاع الشباب، وعلشان كدة بناشد كل المخرجين والمنتجين والممثلين والكتاب، إنهم لازم يراعوا الموضوع ده لأن إحنا واجهة الشباب.
يذكر أن آسر شارك في بطولة مسلسل "بـ 100 وش"، والذي تم عرضه في رمضان الماضي، ومن بطولة نيللى كريم، مصطفى درويش، علا رشدى، إسلام إبراهيم، شريف الدسوقي، وزينب غريب، ومن تأليف عمرو الدالي وأحمد وائل، إخراج كاملة أبو ذكرى.