دعا الإعلامي عمرو أديب، لتجنب شراء السلع المرتفعة أسعارها، وذلك بعد الجدل بشأن ارتفاع الأسعار في الساحل الشمالي.
وقال خلال برنامجه "الحكاية" عبر شاشة "mbc مصر": "أنا بسأل على سعر الحاجة قبل ما أشتريها ولو غالية مش باشتريها.. اللي يتكسف في الساحل مش هيستمتع فيه".
وأضاف: "الساحل كله أسعار مضاعفة لإن كل الملات بتدفع ضعف الإيجار.. الغردقة وشرم الشيخ 10% من تكلفة الساحل الشمالي وناس كتير بيروحوها.. وفيه ناس قالوا جمصة وراس البحر من أحلى المصايف".
وتابع: "لو رميت الإبرة في الساحل هترن من الأحد للأربعاء.. محدش يقدر يستحمل المصاريف إنه يفضل هناك على طول.. الإقبال بيكون من الخميس للسبت".
وأكمل: "هدوا أعضائكم وكل واحد على لحافه يمد رجيله .. محدش يدفع كثر من احتياجاته".