كشف تامر حبيب الكاتب والسيناريست، عن تفاصيل أول لقاء جمع بالفنانة منة شلبي بعد أزمتها الأخيرة، ليعلق: «اليوم ده كان أسود يوم في حياتي وقاعد مش عارف أوصلها وكنت هاموت لحد ما وصلت البيت».
وأضاف، خلال استضافته ببرنامج «حبر سري»، تقديم الإعلامية أسما إبراهيم، المذاع على قناة «القاهرة والناس»، مساء السبت: «يومها عرفت باحب منة شلبي قد إيه، وكان كل همي إزاي أخليها تنبسط وأعملها أراجوز عشان تضحك، وكان في قسوة شديدة من البشر».
واستكمل حديثه: «دايمًا الضغط مش من الموقف، الضغط من رد الفعل على الموقف، وكلهم عاملين أبو العريف وكانوا معاها على الطيارة، أنا في عزاء أمي قالوا على صديقاتي اللي بيحضنوني ويبوسوني إننا بنعمل معصية».
يذكر أنه وُجهت تهمة إحراز مخدر الحشيش للفنانة منة شلبي، العام الماضي، وقضت محكمة جنايات شمال القاهرة، في شهر يناير الماضي بحبسها سنة مع وقف التنفيذ وغرامة 10 آلاف جنيه، بتهمة حيازتها مواد مخدرة بقصد التعاطي.