نشر المؤلف محمد صلاح العزب تسجيلًا صوتيًا للفنانة سمية الألفي عبر صفحته الشخصية بموقع فيسبوك، يتضمن رسالة خاصة لابنها أحمد الفيشاوي، عقب حضورها كواليس تصوير فيلمه الجديد "سفاح التجمع".
وقالت سمية الألفي في رسالتها: "حبيبي يا أحمد، ربنا يخليك ليا ويسعدك زي ما بتسعدني ويريح قلبك زي ما بتريح قلبي. ربنا يكرمك ويزيدك وينجحك، الفيلم ده هيكسر الدنيا يا واد، وابقى قول ماما قالت، إن شاء الله هيكون نقطة تحول كبيرة في حياتك. أنت مختلف تمامًا في الفيلم ده وعايش الشخصية بجد، ماشوفتكش عايش شخصية كده غير في فيلم 45 يوم".
وأضافت: "أنا كبرت أوي يا أحمد، شكلي كبرت أوي، بس مش مهم. أنا بحب سنين عمري كلها، المهم أنت جميل وبتشتغل مع مخرج جميل، ربنا يوفقكوا يارب. وشكلك هتعمل كارثة بالفيلم ده، عندي إحساس غريب إن الفيلم ده هيعمل ضجة".
واختتمت: "ميرسي على استقبالك يا أحمد، استقبالك كان جميل أوي، ميرسي على حنانك كتر خيرك يا أحمد".