علق الفنان شعبان عبد الرحيم، على الأزمة التي نشبت بين مطرب المهرجانات حمو بيكا، ونقابة المهن الموسيقية، قائلًا: "النقابة دي خط أحمر محدش ييجي جنبه، والناس دول خيرهم علينا وإحنا في حمايتهم".

وأضاف خلال مداخلة هاتفية لبرنامج "حضرة المواطن"، المذاع عبر فضائية "الحدث اليوم"، مساء اليوم الثلاثاء: "بس برضة النقابة ملهاش إلا إحنا، يعني لما واحد يغلط، برضة ممكن نعديهاله مرة، وييجي يتأسف للأستاذ هاني شاكر وأعضاء النقابة، يتأسف لهم رسمي".

وتابع: "لو هو اترفض من النقابة هيشتغل إيه؟ مش هيشتغل، ممكن يشتغل في أي حاجة وحشة، هو معاه عيال، وهياكل منين؟ ومعاه ييجي 20 واحد بياكلوا عيش".

وعقب: "هو لازم يعتذر للأستاذ هاني شاكر، وأنا عارف إن قلبه أبيض وإن شاء الله هيتجاوب معانا".