قالت الفنانة ياسمين صبري: "عندي فوبيا من الظلام، مش بحبه خالص، وباقعد أفسر الموضوع بيني وبين نفسي، وباحس إن الظلام حاجة مجهولة، ومش باتفرج على أفلام رعب، وآخر مرة اتفرجت على فيلم رعب كنت طفلة، ولما باشوفها باقلب بسرعة".
وتابعت، خلال حلولها ضيفة مع الإعلامية إسعاد يونس ببرنامجها "صاحبة السعادة" على قناة "دي إم سي": "باخد بالي أنا بدي لعقلي إيه، وعيني بتشوف إيه، باخد بالي من كل حاجة، ولا باشوف حوادث ولا فيديوهات مأساوية، أو أي حاجة بتشد الأعصاب، وباشوف اللي أنا عايزاه على السوشيال ميديا".
وأضافت: "أنا بسافر كتير وباركب طيارات، وفي أي مطب كف إيدي بيعرق وأعصابي بتتشد، ولما باكون في حاجة عالية أوي أو جبال مثلا، باخد نفس طالع داخل عشان أهدى، مع إني باعمل فيديوهات وكل حاجة، لكن من ورا الكاميرا متوترة جدا، ومش عارفة أكسر حاجز الفوبيا من المرتفعات".
واستكملت: "زمان مكنش عندي مشكلة مع المرتفعات، ولو حصل إيه في الطيارة عادي، كنت باعمل إعلان، واقترحوا عليا أنط ببانجي جنب، مكنتش عارفة أخد نفسي وبصرخ، نزلوني، وطلبوا مني إني أعيد المشهد تاني، وجالي تروما مش عارفة أتخطاها".