كشف الممثل الشاب آدم الشرقاوي، عن سبب غيابه عن الساحة الفنية خلال الفترة الماضية؛ نتيجة إصابته بمرض غريب، ظل يعاني منه لفترة طويلة، وغيّر مجرى حياته للأسوأ، قبل أن يتمكن من استعادة عافيته تدريجيًا.
وكتب الشرقاوي عبر حسابه الشخصي على إنستجرام، قائلاً: «كان ليا فترة طويلة ما نزّلت بوستات، بس كنت محتاج آخد بريك، من سنتين كنت تعبان جدًا، كنت قريب من ١١٠ كيلو، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كان عندي جلطات دم في رجلي، وجسمي كله كان منتفخ بسبب مشاكل في الكلى».
وأضاف: «كنت بكره كل حاجة في نفسي، وما كنتش بعرف نفسي خالص لما أبص في المراية، دلوقتي أقدر أقول إني أصحّ من أي وقت فات، رجعت لوزني الطبيعي ٨٠ كيلو، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام».
واختتم الشرقاوي قائلًا: «حتى لما كان عندي مشاكل صحية، ربنا تفضل عليّ بفرص كتير، ولما حسيت إن صحتي اتحسّنت، استغليت الفرص دي، أنا شاكر لحياتي ولكل تحدي واجهته، بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم، شكرًا لكل الناس اللي بتدعمني، متحمّس إني أشارككم اللي كنت بشتغل عليه».