أعرب الفنان مصطفى هريدي عن استيائه بسبب عادات الموضة في الملابس في الوقت الحالي، مؤكدًا أنها تختلف عن زمان كثيرًا.
وقال مصطفى هريدي، خلال حواره مع الفنانة انتصار وبدرية طلبة ونوليا، في برنامج "من غير نفسنة"، المذاع عبر شاشة قناة هي: أنا مبقتش أعرف أدخل اشتري بنطلون جينز، البناطيل اللي موجودة دلوقتي مش بتاعتنا، أنا فاكر زمان كان أبويا ياخدني عند الترزي ويفصلي القماش الصوف بالكسرة الكلاسيك، حتى البنطلون الجينز دلوقتي مش زي بتاع زمان.
واستكمل: دلوقتي بيبقى ساقط والبوكسر باين وملزق وشبه البنطلون الاسترتش، الموضوع اختلف عن زمان، والبنات مبتبصش على ده، ومبتحسش أن فيه رجولة.
وخلال اللقاء ، كشف "هريدي" أنه قبل دخول مجال التمثيل عمل بالتجارة مؤكدا: كنت فاتح محل بتاع أدوات منزلية، وكان معايا قرش، ودخلت التمثيل سنة 2002، والتمثيل مكنش في دماغي، وأول عمل في حياتي كان مع الزعيم عادل إمام في فيلم التجربة الدنماركية.