روى المخرج الشاب مرقس عادل عن تجربة إصابته بفيروس كورونا، خلال منشور عبر حسابه بموقع فيسبوك، قال فيه: "الحمد لله خرجت من المستشفي من كام يوم و في البيت (لسه على جهاز الاكسجين بس نشكر ربنا) الموضوع كان كبير معايا حبتين، أنا كنت من الـ20٪ اللي بيحتاجوا رعاية طبية (مش كل الناس كدة متقلقوش بس خلو بالكم).
وأضاف: "أولًا أنا فرحان أوي بالتجربة دي لحد أخرها، محبتكم وقلقكم عليا عندي كبير أوي، واحد واحد وواحدة واحدة، شكرًا من كل قلبي حقيقي على المحبة.. أغلي شيء في الحياة وأنقى مشاعر هي المحبة".
وتابع: "التجربة بتعلم كتير أوي وبتغير وبتعيد ترتيب الأولويات، وبتفرق في عمرك، وبتغير منظورك للحياة بكل تفاصيلها، وخصوصًا في الناس، بتقَدر وبتتعلم وبترتب".
واستكمل: "الموت قريب جدا السن مبيفرقش ولا الصحةً وأنا في العناية خرج جنبي 6 أشخاص وحالات متوفين أهاليهم كانوا بيزوروهم في الزيارة مع أهلي، وفيهم حالات كانت أقل من حالتي
الاحباب هم الباقيين ركزو معاهم أوي، الألم والوجع اللي مريت بيهم 14 يوم رعاية والأكسجين مش بيتحسن كان فيهم مفاهيم كتير".
واستطرد: "أنا آسف لكل حد زعلان مني، آسف لو حد ضايقته وأنا مش واخد بالي أو واخد، كنت عنيد، آسف لو مقدرتش أكون أحسن في بعض المواقف، أنا من دلوقتي مش زعلان لأن الحياة متستاهلش، ولو فيه صراعات وهجوم أنا مش زعلان، ولو حد بيتخانق على شغلانة صدقني مش مستاهلة، أنا من النهاردة مش زعلان من حد وآسف لكل حد وفرحان بكل محب حقيقي".
وذكر: "أوعدكم بكرة بمنظور مختلف ومشاريع جديدة أفضل، يمكن أنا أحاول أبقلا إنسان أفضل وكفنان أكون متطور برؤية جديدة وأعمال جديدة، هنا بقى أرجوكم تدعولي إن ده يتحقق وتساعدوني على ده، شكرا لحضراتكم وأكرر.. أنا فرحان أوي بمحبتكم اللي حَلّتْ الألم والوجع والفترة الصعبة هاتلي يا بكرة صفحة جديدة".
واختتم: "أخيرًا وليس أخرًا.. أمي وأختي وخالي وأهلي كلكم شكرًا لا تكفي، كل اللي أنتم قدمتوه من تضحيات ووقت ومحبة، أنا بحبكم وممتن وبشكركم من كل قلبي".
الحمدلله انا خرجت من المستشفي من كام يوم و في البيت ( لسة علي جهاز الاكسجين بس نشكر ربنا ) الموضوع كان كبير معايا حبتين...
Posted by Morcous Adel on Tuesday, January 19, 2021