أشاد الإعلامي نشأت الديهي، بالدور الذي تضطلع به الدولة ومؤسساتها، تحت قيادة الرئيس عبد الفتاح السيسي، مشيرًا إلى أن المسئولية لا تنحصر في إدارة الشئون الداخلية.
وقال الديهي، خلال برنامج «بالورقة والقلم» المذاع عبر «TEN» مساء الاثنين: «رئيس الدولة، ربنا يجزيه عنا كل خير، كل يوم، بيشتغل بشكل دقيق في كل تفصيلة، وفي كل ثغرة، وفي كل ملاحظة، على أرض الدولة، مفيش يوم ما بيشتغلش، مش بتكلم بس على إدارة الدولة والإنجازات والمشروعات والفساد اللي بيقاومه، والوضع الدولي والإقليمي، الموضوع في غاية التعقيد، حكم مصر في غاية الصعوبة».
وأضاف أن الحكومة تقع على عاتقها مهمة كبيرة، متابعًا: «الحكومة عليهما مهمة كبيرة جدًا، ربنا يوفقهم، أنا بدعو لكل الوزراء بالتوفيق، ربنا يوفقهم في نقل صورة حقيقية مقنعة وموثقة للناس أمام الرئيس، وللرئيس أمام الناس، وكلنا على بعض كده قدام ربنا».
وأكد أن الدولة عازمة على تقديم «كشف حساب» أمام المواطنين ليعرف الجميع ماذا حدث، متابعًا: «إحنا بننسى، وآفة حارتنا النسيان، بننسى، لا، خلينا نفتكر بقى، كل حاجة، كنا فين وبقينا فين».
وأوضح أن استعراض الحقائق لا يعني ادعاء الكمال أو غياب الأخطاء أو الوصول لمرحلة الرضا، قائلًا: «إحنا لسه ما عملناش حاجة».
واستشهد بما يدور في مناسبات افتتاح المشروعات القومية حين يتوجه بالتهنئة للرئيس السيسي: «في كل مناسبة كان فيها افتتاح، أقول للرئيس بالصدفة مثلًا مبروك يا سيادة الرئيس، يقول لي: مبروك على إيه؟ هو إحنا لسه عملنا حاجة؟ ده إحنا خطوة من 1000 خطوة، إحنا اتأخرنا كتير، البلد دي عايزة مجهود قد اللي إحنا بنعمله مليون مرة».
ولفت «الديهي» إلى أن إجمالي الناتج المحلي الإجمالي 400 مليار دولار، مختتمًا: «إحنا طموحاتنا 100 مليار تصدير؟ إحنا عايزين نصدر بتريليون دولار، إحنا طموحاتنا كتير، وكبيرة، والبلد بتكبر، وعدد السكان بيزيد».