حذر الرئيس عبدالفتاح السيسي، من المخطط الهادف لبث الاختلاف والفرقة بين شعوب ودول المنطقة العربية.
جاء ذلك خلال زيارة تفقدية إلى الأكاديمية العسكرية المصرية الواقعة في مقر قيادة الدولة الاستراتيجي بالعاصمة الإدارية الجديدة، فجر الأربعاء.
وقال: «في مخطط إننا نختلف مع بعضنا ونخلي الاختلاف يبدأ على مستوى الشعوب، إحنا أشقاء وهنفضل أشقاء وأمننا العربي واحد، وأي حد يفكر يدخل في المنطقة دي يهدف للإضرار بدولها».
وأضاف: «يا إنسان يا مصري يا سعودي يا إماراتي يا كويتي يا قطري يا سوري يا إماراتي يا عربي، انتبهوا مش كل اللي تشوفوه وتسمعوه تصدقوه وتتحركوا وراه، إحنا في أحوج إلى التكاتف عشان أمننا وشعوبنا».
ونوه أن هناك محاولات للوقيعة بين مصر والأشقاء، مضيفًا: «بقول كده لأنه خلال الفترة اللي فاتت كان في محاولات للوقيعة بيننا وبين أشقائنا اللي إحنا بنحترمهم وبنقدرهم، وأيضا مقدرين مواقفهم الإيجابية معانا ومش هننسى ده أبدا ليهم».