قال الإعلامي عمرو أديب، إن طرح إحدى الشركات فيلا للبيع بـ120 مليون أمر ليس بالجديد.
وأضاف خلال برنامجه "الحكاية" عبر شاشة "mbc مصر": "اللي اشترى الفيلا دي في الغالب بيكون ساكن في الساحل، وفي الغالب عنده أكتر من فيلا في الساحل".
وتابع: "أغلب الناس اللي بتشتري مش علشان تسكن لكن علشان السعر بيتضاعف، وكمان اللي بيشتري ده مش هيعيش هناك قبل 5 سنين".
وأكمل: "لازم نفهم الناس بتتشري ليه.. لازم نشوف القيمة المضافة.. كمان الناس اللي عندها دخل دولاري هيستفيدوا مع ارتفاعه سعره.. يعني الناس حسبتها صح".
وأثيرت مؤخرا، حالة من الجدل، بعد تداول صور لتجمع المئات ، أثناء حجزهم لوحدات بمشروع إحدى الشركات في الساحل الشمالي.
وانتهت الشركة التي تنفذ مرحلة جديدة من مشروعها بالساحل الشمالي، من بيع جميع الوحدات التي أعلنت عنها، خلال اليوم الأول لفتح باب الحجز، حيث طُرح 300 وحدة متنوعة بين شقق مصيفية وفيلات وتزين هاوس.
وتتراوح أسعار الوحدات المتنوعة بين 20 مليون جنيه للوحدة تتجاوز 100 مليون جنيه بالنسبة لبعض الفيلات.