قال أحمد الجارحى المذيع ومقدم برنامج المخبر، إن حلقة اليوم من برنامجه والتى كان مقررًا عرضها فى تمام التاسعة من مساء الجمعة على قناة ON E، تم منعها من العرض لأسباب مبهمة، وفقًا لقوله.
وكتب الجارحى على صفحته عبر موقع التواصل الاجتماعى “فيس بوك”: "على مدار ٢٢ حلقة من برنامج المخبر، حاولنا نبقي فعلا المخبرين اللي بيراقبوا الغلط عشان يصلحوه، حاولنا نعمل حاجة مفيدة بعيدا عن الاسفاف و الاستخفاف بعقل المشاهد، حلقة الجمعة مش هتذاع لأسباب مبهمة".
وأضاف الجارحى: “البرنامج أتوقف للمرة التانية عشان أكيد حلقة السجل المدني معجبتش ناس كتير، البرنامج بيتحارب من جميع الجهات، أنا شخصيا قعدت فوق الـ ١٤ ساعة في القسم من كام أسبوع و اتقاللي أبعد عن الحكومة، أخليني يعني في المواضيع اللطيفة الخفيفة، رغم كل شيء كملنا و كنا نحاول نكشف و نصلح».
وعن احتمالية عودة البرنامج قال: «الله أعلم هيرجع ولا لأ، في جميع الأحوال حبيت أقول شكرا لكل اللي تابعنا علي الدعم المستمر،و لكل اللي عارضنا، اللي بيأكدوا للدنيا كلها قد ايه إحنا بنخاف من اللي عايز يقول كلمة حق.. #المخبر».