علق الإعلامي عمرو أديب، على أزمة الحفل المقرر أن ينظمه الفنان محمد رمضان في محافظة الإسكندرية أكتوبر المقبل.
وكانت حملة على مواقع التواصل الاجتماعي انطلقت ضد رمضان تحت شعار "غير مرحب بيك"، إلا أن رمضان تحداها ووصفها بالمدبرة، ونزل للمحافظة بالفعل متجولا في بعض المناطق في محاولة لإثبات أن هناك رغبة لحضوره.
وفي تعقيبه، قال أديب خلال برنامجه "الحكاية" عبر شاشة "mbc مصر"، مساء الجمعة: "محمد رمضان عنده حفلة في إسكندرية
فيه ناس بترحب بيه وناس لأ .. الموضوع كبر على السوشيال ميديا.. وده من حقهم وفيه ناس بتحبه برضه".
وأضاف: "الأستاذ محمد رمضان شاف إن إزاي أهل اسكندرية مش عاوزينه .. فقرر يعمل التحدي الكبير ويعدي على حارة حارة في استفتاء شعبي علشان يسأل عن حب الناس له".
وتابع: "محمد رمضان نزل بموتسيكلاته وسلطاته وبابا غنوجه.. تخيل لو كانت حصلت خناقة بين محبيه واللي مش بيحبوه.. كان هيبقى ايه الوضع .. لو مكان محمد رمضان إتعور كان ايه الوضع".
وأكمل: "إيه الفن ده هو الفن غصب.. هو فيه فن بالمعلقة.. إحنا مشوفناش أحمد زكي ولا أم كلثوم يقولوا للناس إنتو بتحبونا ولا لأ".
وختم قائلا: "أرجوا الأمر يقف لغاية كده ولا نرى مؤيدي ورافضي محمد رمضان في شوارع اسكندرية.. هل دي طريقة .. هل الدولة حِمل الكلام ده".