قالت الفنانة هنا زاهد خلال منشور عبر حسابها الشخصي مدافعة عن زوجها الفنان أحمد فهمي عقب تصريحاته ضد لاعب الزمالك شيكابالا قائلة: "بعيدا إن شهادتي فيه مجروحة لأن الناس هتقول بقول الكلام ده عشان جوزها.. أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي وبينسى إنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عرفاه عرفين ده كويس".
وتابعت: "أنا عارفة إن الناس بتفضل تقول لا ده ممثل مينفعش يقول رأيه.. بس للأسف الإنسان ده بينسى وبيخسر من كتر ما هو اللي ف قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده".
واستكملت: "لما بيكتب رأيه بيكتبه على أكونت فيسبوك اللي في صحابه زيه زي أي حد أهلاوي، بس للاسف بتطلع أخبار بالكلام اللي بيقوله".
واختتمت رسالتها: "عايزة أقولك إنك قلبك طيب وعفوي بزيادة وبتقول اللي جواك من غير متحسبها عشان بتنسى إنك ممثل أصلا بس الأيام دي مينفعش تبقى كده للأسف.. واعمل اللي يريحك لانك إنسان واحنا كده كده بنحبك جدا".